شي جينپيڭ فيليپين مەديالارىندا اۆتورلى ماقالا جاريالادى

شي جينپيڭ فيليپين مەديالارىندا اۆتورلى ماقالا جاريالادى

 شينحۋا اگەنتتىگىنىڭ حابارى. 11-ايدىڭ 19-كۇنى، فيليپيندە مەملەكەتتىك ساپاردا بولۋ قارساڭىندا، ءتوراعا شي جينپيڭ فيليپيننىڭ «فيليپين جۇلدىز گازەتى»، «مانيلا مازمۇنداماسى» جانە «كۇندەلىكتى تالقى گازەتىندە» «جۇڭگو مەن فيليپين قاتىناسىنىڭ تىڭ بولاشاعىن ورتاق جاراتايىق» دەگەن تاقىرىپتا اۆتورلى ماقالاسىن جاريالادى. 

 شي جينپيڭ ماقالادا بىلاي دەدى: فيليپين رەسپۋبليكاسىنىڭ پرەزيدەنتى دۋتەلتەنىڭ ۇسىنىسى بويىنشا، فيليپيندە مەملەكەتتىك ساپاردا بولماقشىمىن. فيليپيننىڭ تابيعاتى كوركەم، حالىقتىق ءداستۇرى باي، مەملەكەتتىڭ دامۋى قارقىندى. مەن وسى رەتكى ساپارىما زور ۇمىتپەن قارايمىن. وسى ارادا، فيليپين حالقىنا ىقلاستى سالەم جولدايمىن جانە ىزگى تىلەك تىلەيمىن. 

 وسى رەتكى ساپارىمنىڭ باستى ماقساتى: پرەزيدەنت دۋتەلتەمەن بىرلىكتە جاڭا جاعدايداعى جۇڭگو مەن فيليپيننىڭ جالپى بەتتىك سەلبەستىگىن كۇشەيتۋ جونىندە پىكىر اۋىستىرىپ، جالپى بەتتىك ورنالاستىرۋ جاساپ، ەكى ەل قاتىناسىنىڭ جوعارى ورەدە زور دامۋىن جەبەۋ. 

 ساياسيداعى ءوزارا سەنىمدى تەرەڭدەتىپ، جۇڭگو مەن فيليپين قاتىناسىنىڭ ورنىقتى باياندى دامۋىن جەبەۋىمىز كەرەك. جۇڭگو فيليپينمەن بىرلىكتە، ءتىپتى دە كەڭ ءورىستى كوز ايامەن ەكى ەل قاتىناسىنىڭ دامۋ بولاشاعىن جوسپارلايدى، ەكى جاقتىلى قارىم-قاتىناس جانە كەلەلى حالقارالىق، وڭىرلىك ماسەلەلەر جونىندە ستراتەگيالىق ارالاستىقتى كۇشەيتەدى. ءبىز الاۋىزدىقتاردى دوستىق تۇرعىدا اقىلداسىپ ءبىر جايلى ەتۋىمىز، تەڭىزدەگى سۇحبات سەلبەستىكتى كۇشەيتىپ، نانحاي تەڭىزىن حالىققا باقىت جاراتاتىن بەيبىتشىلىك، دوستىق، سەلبەستىك تەڭىزىنە اينالدىرۋىمىز ءتىيىس. 

 ناقتىلى سەلبەستىك ورىستەتۋدە تاباندى بولىپ، جۇڭگو-فيليپين قاتىناسىنىڭ تاعانىن بەرىكتەۋگە كەپىلدىك ەتۋىمىز كەرەك. فيليپيننىڭ جاعىراپيالىق ورنى وزگەشە. ءبىر بەلدەۋ،ءبىر جول قۇرىلىسىنداعى تابيعي سەرىك. جۇڭگو فيليپينمەن بىرلىكتە، بايىرعى تەڭىزدەگى جىبەك جولىنىڭ تىڭ داستانىن جالعاستى جازىپ، ءبىر بەلدەۋ، ءبىر جول نوبايىنداعى ستراتەگيالىق ۇشتاسۋدى جەبەپ، شارۋاشىلىق ساۋدا، نەگىزدىك قۇرىلعى قۇرىلىس، اۋىل شارۋاشىلىعى، ساياحات سىياقتى سالالارداعى ءوزارا پايدالى سەلبەستىكتەردى تەرەڭدەتىپ، فيليپيننىڭ ءتىپتى دە كوپ حالىق تۇرمىسىندىق نىسانداردى جۇرگىزۋىنە كومەك قولىن سوزىپ، ەكى ەل حالقىنىڭ سەلبەستىك بارىسىندا ىيگىلىككە يە بولۋ سەزىمىن جانە باقىتقا كەنەلۋ سەزىمىن ارتتىرۋعا كۇش سالادى. جۇڭگو فيليپينمەن بىرلىكتە قورعانىس، ەسرتكىگە تىيىم سالۋ، تەرورلىققا قارسى تۇرۋ، زاڭ اتقارۋ جاعىندا تىعىز سەلبەسىپ، ەكى ەلدىڭ دامۋى جانە ءوڭىردىڭ بەيبىتشىلىگى مەن ورنىقتىلىعىنا تاماشا ورتا جاراتۋعا پەيىل. 

 حالىق تىلەگىن توعىستىرىپ، جۇڭگو مەن فيليپين قاتىناسىنىڭ باياندى دامۋىن جۇزەگە اسىرۋىمىز ءتىيىس. جۇڭگو مەن فيليپيننىڭ تاۋ وزەنى تۇتاسقان، حالقى تۋىستاس، مادەنيەتى تامىرلاس. حالىقتار دوستىعى ەكى ەل قاتىناسىنىڭ قاينار بۇلاعى. جۇمىلا كوتەرگەن جۇك جەڭىل دەگەندەي، ءبىز ەكى ەلدىڭ ساياسي پارتيالارى، پارلامەنتتەرى، جەرلىك ورىندارى، اقىل پاراسات قامبالارىنىڭ بارىس كەلىسىن جىيىلەتىپ، وقۋ-اعارتۋ، عىلىم-تەحنيكا، مادەنيەت، جاستار اۋىس كۇيىسىن كۇشەيتىپ، ءتىپتى دە كوپتەگەن كۇشتەردىڭ ەكى ەلدىڭ سەلبەستىگىنە ارالاسۋىنا دەم بەرىپ، جۇڭگو مەن فيليپيننىڭ دوستىق سەلبەستىك قاتىناسىنىڭ وتىن وشىرمەي، ۇرپاقتان ۇرپاققا ماڭگى جالعاستىرۋىمىز قاجەت. 

 قول ۇستاسا تەڭ يگىلىككە كەنەلۋدە تاباندى بولىپ، شىعىس ازيا سەلبەستىگىنىڭ ىشكەرىلەي دامۋىن جەبەۋىمىز كەرەك. بيىل-جۇڭگو مەن شىعىس وڭتۇستىك ازيا ەلدەر وداعى ستراتەگيالىق سەرىكتەستىك قاتىناس ورناتقاندىعىنا 15 جىل تولدى. فيليپين بلتىر شىعىس ازيا سەلبەستىگىنىڭ باسشىلار جەلىلەس ماجىلىسىن ءساتتى وتكىزدى، بيىل جۇڭگو مەن شىعىس وڭتۇستىك ازيا ەلدەر وداعى قاتىناسىنىڭ سايكەستىرۋشى ەلى بولىپ وتىر. مىندەتى داڭىقتى، جاۋاپكەرشىلىگى زور. جۇڭگو فيليپيننىڭ سايكەستىرۋشى ەل مىندەتىن اتقارۋىن باتىل قولدايدى. فيليپينمەن بىرلىكتە جۇڭگو مەن شىعىس وڭتۇستىك ازيا ەلدەر وداعى قاتىناسىن ابىزالداندىرىپ، شىعىس ازيا سەلبەستىگىنىڭ ءتىپتى دە زور دامۋىن جەبەيدى. جۇڭگو جاق فيليپين تۇڭعىش رەت ۇندەۋ شىعارىپ وتىرعان شىعىس وڭتۇستىك ازيانىڭ شىعىس بولەگىن دامىتۋعا قوسىلىمدى ارتتىرىپ، ەكى جاقتىلى سەلبەستىكتى اناعۇرلىم كۇشەيتىپ، شىعىس وڭتۇستىك ازيا ەلدەر وداعىمەن سەلبەسۋدىڭ تىڭ ارتۋ تۇيىندەرىن جاراتىپ، فيليپيننىڭ ميان لان بايىرعى ارالى سىياقتى رايوندارىنىڭ ءتىپتى دە جاقسى دامۋىنا قول ءۇشىن بەرەدى. 

 شي جينپيڭ بىلاي دەپ اتاپ كورسەتتى: وسىدان 40 جىل ىلگەرى، جۇڭگو رەفورما جاساپ ەسىكتى ايقارا اشۋدىڭ ۇلى جورىعىن باستادى. 40 جىل تىزە قوسا جاپالى كۇرەس جاساۋ ارقىلى، جۇڭگو حالقى قوس قولدارىمەن مەملەكەت پەن ۇلت دامۋىنىڭ كەرەمەت داستانىن جازدى. جۇڭگو الەمدەگى 2-ۇلكەن شارۋاشىلىق تۇلعا، 1-ۇلكەن ونەركاسىپ ەلى، 1-ۇلكەن زات ساۋدا ەلى، 1-ۇلكەن سىرتقى پەرۋود زاپاس ەلىنە اينالدى. جۇڭگونىڭ الەم شارۋاشىلىعىنىڭ ارتۋىنا قوسقان ۇلەسى %35 تەن استى. ب م ۇ نىڭ ولشەمى بويىنشا 700 ميلليون ادامدى ورنىقتى تۇردە كەدەيلىكتەن قۇتىلدىردى. جۇڭگو رەفورمانى جالپى بەتتىك تەرەڭدەتىپ، ەسىك اشۋ ارناسىن كەڭەيتۋدە. ءبىزدىڭ رەفورما اياق الىسىىمىز توقتامايدى، اشىق ۇستاۋ قادامىمىز كىدىرمەيدى. 

 شي جينپيڭ بىلاي دەپ باسا دارىپتەدى: ساۋدا ەركىندىگى، شارۋاشىلىقتىڭ الەميلەنۋى سىندى ءداۋىر اعىمىنا ەشنارسە بوگەت بولا المايدى. جۇڭگو جاۋاپكەرشىلىگى زور ەل رەتىندە، سەلبەسىپ ورتاق يگىلىككە كەنەلۋ تانىمىندا، سىرتقا ەسىكتى ايقارا اشۋدا تاباندى بولادى. جۇڭگو ءار قايسى ەلدەرمەن بىرلىكتە جۇڭگو بازارىنىڭ ورايى مەن كومەسكى كۇشىنەن ورتاق ىيگىلىكتەنۋدى قالايدى. تاياۋدا عانا ءساتتى وتكىزىلگەن تۇڭعىش كەزەكتى جۇڭگو حالقارالىق يمپورت كورمەسى وسىنىڭ ايقىن دالەلى. جۇڭگو فيليپين جانە ءتىپتى دە كوپ ەلدەردىڭ جۇڭگونىڭ دامۋ ساپارىنا بىرلىكتە اتتانۋىن قارسى الادى. ءبىز ءار قايسى ەلدەرمەن بىرلىكتە، دۇنيە ساۋدا ۇيىمىن وزەك ەتكەن كوپ جاقتىلى ساۋدا ءتۇزىلىسىن باتىل قورعاپ، حالقارالىق ساياسي شارۋاشىلىق ءتارتىبىنىڭ ادىل دە ۇيلەسىمدى باعىتتا دامۋىن جەبەيمىز .فيليپيندە: «بۇگىندى مىقتى ۇستاساڭ، ەرتەڭنەن ايىرىلمايسىڭ» دەگەن ماتەل بار. جۇڭگو فيليپينمەن بىرلىكتە ورايدى مىقتى ىيگەرىپ، اۋقىمعا سايكەس العا جىلجىپ، بەيبىتشىلىكتى قاستەرلەيتىن، بىرلىكتى دارىپتەيتىن ازيا داستۇرىنە مۇراگەرلىك ەتىپ جانە ساۋلەلەندىرىپ، ەكى ەل قاتىناسىن بەكەمدەپ جانە دامىتىپ، ەكى ەلدىڭ جانە ازيانىڭ كوركەم بولاشاعىن ورتاق جاراتۋعا پەيىل. 

监制:努尔波拉提

审稿:古丽努尔

翻译:夏力哈尔

编辑:努丽霞提