اۋىل-قىستاق زومەگەرلەرى، ارتقى تىرەكتەرى زاڭ قۇرىعىنا ءىلىندى


اۋىل – قىستاق زومەگەرلەرى جانە ولاردىڭ ارتقى تىرەكتەرى زاڭ قۇرىعىنا ءىلىندى

كىرە اۆتوكولىگى ءبىر تاۋىقتى بايقاۋسىزدا باسىپ ولتىرگەندىگى ءۇشىن، زومەگەرلەر وعان ءبىر ميلليون 800 يۋان تولەم تولەتتى. مىنە بۇدان ءبىز قارا قوعام سيپاتتى زۇلىم كۇشتەردىڭ قانشالىق دارەجەدە ەسىرگەندىگىن اڭعارامىز.

 قارا قوعام سيپاتتى زۇلىم كۇشتەرگە سوققى بەرۋ قيمىلى، بيىل ەلىمىزدەگى جۇرتشىلىق پىكىرىنىڭ قىزۋ تالقى تۇيىنىنە اينالدى. بيىل جىل باسىنان بەرى، قارا قوعام سيپاتتى زۇلىم كۇشتەرمەن ارناۋلى كۇرەسۋ قيمىلى بۇكىل ەلىمىزدە كەڭ كولەمدە ىشكەرلەي قانات جايدىرىلدى. كەزىندە زاڭسىز ارەكەتتەرمەن شۇعىلدانىپ زورلىق – زومبىلىق ىستەگەن بازار وزبرلارى، اۋىل – قىستاقتاعى زومەگەرلەرى، جەرلىك قانىپەزەرلەر، قارا قوعام سيپاتتى زۇلىم كۇشتەر ءبىر – بىرلەپ زاڭنىڭ قۇرىعىنا ىلىنگەن سوڭ، تىنىشتىققا قول جەتكىزگەن جۇرت شاتتىققا شومدى.

بازار وزبرلارى

 ـ ولار قولعا الىنعان سوڭ مال ەتىنىڭ ءار جىڭى 3 يۋان ارزاندادى

 «حۋاڭفەيحۋڭ» فيلمىندەگى جاۋ تيانبا، «توڭكەرىسشىل ايەلدەر قوسىنى» فيلمىندەگى وڭتۇستىك زورەكەرلەرى، «قۇبىلمالى جاساۋىل» فيلمىندەگى زورەكەر جولبارىس، «كەك الۋشىلار وداعى» فيلمىندەگى شونجاردى جويۋ قاتارلى فيلمدەگى كەيىپكەرلەردى زومەگەرلەردىڭ تيپتىك مىسالى دەۋگە بولادى. ايتالىق، كينو – تەلەتەاترىنىڭ ىشىندەگى قارا قوعام سيپاتتى زۇلىم كۇشتەردىڭ اتاماندارىنىڭ ەسىمىنىڭ كوبىندە «قوجايىن» دەگەن ءارىپ بار، ولاردىڭ ورتاقتىعى تۇگەلدەي بيلىك، زورلىقتى كۇشكە سۇيەنىپ بۇقارانى باسىنادى.

 قارا قوعام سيپاتتى زۇلىم كۇشتەرى ارناۋلى تازالاۋ قيمىلىندا، بۇقارا جەرگىلىكتى ورىنداعى «زومەگەرلەردى» ءبىر – بىرلەپ العا سۇيرەپ شىعىپ، زاڭ بويىنشا جازالاۋعا تاپسىردى. ماسەلەن، «ەت زورەكەرى»، «كوكونىس شونجارى»، «قۇم زومەگەرى»، «تاسىمال زورەكەرى»، «جول الپاۋىتتارى» قاتارلىلارعا ارناۋلى سوققى بەرىلدى.

 بيىل 10- ايدىڭ 16- كۇنى، حۋبي ولكەسى شياننيڭ قالاسى شياننان رايوندىق حالىق سوتى مەكەمەسى، يۋان جيانگۋو قاتارلى قارا قوعام سيپاتتى زۇلىم كۇشتەردىڭ دەلوسىمەن قاتىسى بار 23 ادامدى اشىق تەرگەدى، ايىپتاۋشىنىڭ الەۋمەتتىك ايىپتامانى وقىعان ۋاقىتى 40 مينوتقا سوزىلدى، ايىپتامادا وسى قارا قوعام سيپاتتى توپتاردىڭ ىزىنە ٴتۇسىپ، ولاردىڭ زورلىق – زومبىلىق ىستەۋ ارەكەتتەرىن تەكسەرىپ انىقتاۋ بارىسى تولىق باياندالدى.

 شياننيڭ قالاسىنداعى يۋان جيانگۋو، شى يگۋڭ قاتارلىلاردىڭ توبى سول اراداعى اتى شۋلى «ەت زورەكەرلەرىنە» اينالعان. ولار شياننيڭ قالاسى شياننان رايونىنداعى ساۋدا بازارلارىن مال ەتىمەن قامداۋدى جەكە يەمدەنۋ ءۇشىن، ولار زورلىق – زومبىلىق ىستەتۋ تاسىلدەرىن قولدانۋ ارقىلى، ساۋدا – ساتتىق ىستەيتىن وتباسىلارىنىڭ مينگاڭ سەرىكتەستىگىنىڭ سويىسحاناسىنان باسقا سويىسحانالارعا اپارىپ مال ەتىن ساتۋىنا تيىم سالعان.

 ولار ءبىر – بىرىمەن امپەي – جامپەي بولىپ، «تيداۋسىز سودىرلار» توبى بار «جەر استى تەكسەرۋ اترەتىن» قۇرىپ، باسقا قالالارعا ەت تاسىمالداعان جانە ساۋدالاعانداردىڭ اۆتوكولىگىن بايقاسا، قولدارىنا جەندەتتىك قارۋ الىپ جولدا، كوشەلەردە تاسىمال اۆتوكولىكتەرىن قيراتىپ، ادامدارىن بەتالدى ۇرىپ – سوعىپ، باسقا قالالارعا تاسىمالدانعان ەتتەردى تارتىپ الىپ، ولجا تۇسىرگەن. 

 ولار پارا بەرۋ ارقىلى شىمىرىكپەي ادام ورنالاستىرعان ياعني شياننان رايوندىق ازىق – تۇلىك، ءدارى – دارمەك مەكەمەسىنە تىركەلىپ، باقىلاۋ مەكەمەسىنىڭ بولىمشەلەرىنە «تىڭشى» ەنگىزىپ، جاردەمشى سالاۋاتىمەن كۇندەلىكتى تەكسەرۋ قىزمەتىنە قاتىناسقان. 

 بۇل توپتىڭ ىقپالى قانشالىقتى زور؟ ونى مىنا ءبىر ەڭ كورنەكى سانىنان اڭعارۋىمىزعا بولادى. ماسەلەن، «ەت زورەكەرى» توبى قولعا الىنعانان كەيىن، جەرگىلىكتى ورىنداعى مال ەتىنىڭ ءار جىڭىنىڭ باعاسى 3 يۋان تومەندەگەن.

چىن جينچاۋدىڭ دەلوسىنا ۇكىم شىعارىلۋدا. سۋرەتتى سوت مەكەمەسى قامدادى

اۋىل – قىستاق زومەگەرلەرى

 ــ كىرە اۆتوكولىگى ءبىر تاۋىقتى بايقاۋسىزدا باسىپ ولتىرگەندىگى ءۇشىن، زومەگەرلەر اۆتوكولىك يەسىنە ءبىر ميلليون 800 يۋان تولەم تولەتتى

 بۇلاردىڭ كەيبىرەۋلەرى زورەكەرلەر بولدى، كەيبىرەۋلەرى زورەكەرلەر جاعىندا تۇردى. قارا قوعام سيپاتتى زۇلىم كۇشتەرگە سوققى بەرۋ بارىسىندا، كەيبىر اۋىل – قىستاقتاردىڭ جەرگىلىكتى ورىنداعى «قىستاق زومەگەرلەرى»، «جەرلىك قانىپەزەر» الاستالعان سوڭ، سول جەردەگى بۇقاراعا تىنىشتىق ورناپ، جۇرت شاتتىققا شومدى.

 بيىل 8- ايدا، گۋاڭدۇڭ ولكەلىك ەڭ جوعارى حالىق سوت مەكەمەسى اتى شۋلى «قارا قوعام سيپاتتى زۇلىم كۇشتەرگە سوققى بەرۋ» دەلوسىن حابارلاندىردى. گۋاڭدۇڭ ولكەسى لۋفىڭ قالاسى حۋدۋڭ قالاشىعى شياپۋ قىستاعىنىڭ «قىستاق زومەگەرى» چىن جينچاۋ، 12 جىلدىق مەرزىمدى قاماق جازاسىنا كەسىلدى.

 چىن جىنچاۋدى لۋفىڭ قالاسىنداعى ەڭ قانقۇيلى ادام دەپ ايتۋعا بولادى. 2017- جىلى 11- ايدا قولعا الىنعان كەزىندە، ول ساقىشلارمەن قولىنا قارۋ الىپ تىرەستى، ەكى جاقتىڭ ءبىر – ءبىرىن نىسانا الىپ اتىسقان كەزدەگى كەسكىنى، سول كەزدە جەرگىلىكتى ورننىڭ تەلەۆيزيا ستانسياسىنىڭ زاڭمەن باسقارۋ اقپارات ارناسىندا تاراتىلدى. 

 ول ساقشىلارعا قۇرال كەزدى، ساقشىلار چىن جينچاۋدىڭ ءون – بويىنا ءتىنتۋ جۇرگىزگەندە ونىڭ قالتاسىنان قول بومبى، گرانات قاتارلى قارۋ – جاراقتاردى تاپتى. 2017- جىلى 8- ايدا، لۋفىڭ قالالىق سۋ ىستەرى تارماق اترەتى چىن جىنچاۋدىڭ تۇراعىنا بارىپ، ونىڭ قۇمدى سورعىزىپ ءبۇلدىرۋ ارەكەتىنە تيىم سالماقشى بولعاندا، چىن جينچاۋ تورسىلداقپەن زاڭ اتقارۋشى قىزمەتكەرلەرگە شابۋىل جاساعان، سونىمەن ولار امالسىز شەگىنگەن. 

 چىن جينچاۋدىڭ اتاعىن شىعارعان دەلو ـ ءبىر تاۋىقتىڭ تولەم دەلوسى بولدى. 2015- جىلى 9- ايدا، چىن جينچاۋ ءوزى جاساپ العان بالتامەن قىستاقتىڭ كىرە بەرىسىندەگى جولدا ءبىر كىرە اۆتوكولىگىن قيراتىپ، كولىكتىڭ ىشىندگى جولاۋشىلاردى ۇرىپ – سوعىپ جارالاعان. كەيىن چىن جينچاۋ جولدان ءوتىپ بارا جاتقان جەڭىل اۆتوكولىكتىڭ ءبىر تاۋىقتى باسىپ ولتىرگەندىگىن بايقاپ قالىپ، الگى كولىكتىڭ يەسىنە زورلىقپەن ءبىر ميلليون 800 يۋان تولەم تولەتكەن. ەكى جاق كەركىلدەسۋ بارىسىندا، چىن جينچاۋ اۆتوكولىكتىڭ اينەگىن بالتامەن ۇرىپ شاعىپ، قىشاقپەن 4 توڭگەلەگىن جارىپ، 64 تيپتى ناگان جانە قول بومبىمەن اۆتوكولىك يەسىنە قوقانلوقى جاساعان، سول ساتتە اۆتوكولىك ىشىندەگى جولاۋشى قورىققانىنان تالىپ قالعان.

قۇبىلعىش «لاۋازىمدى تورە»

 ــ ول ءوزىن باسقالارعا «جاساسىن» دەپ ايتقىزىپ، باسقالاردى زورلاپ وزىنە تاعزىم ەتكىزگەن

 حىناننىڭ ۋياڭ اۋدانى ليحى قىستاعىنىڭ بۇرىنعى قىستاق پارتيا ياچەيكاسىنىڭ شۋجيى جاڭ جيانگۋو ءوزىن باسقالارعا «جاساسىن» دەپ ايتقىزىپ ءبالسىنىپ، ءوز قىستاعىندا زورلىق – زومبىلىق ىستەگەن؛ حىبيدىڭ ديڭجوۋ قالاسى داشينجۋاڭ قالاشىعى چۋانچيۋ 2- قىستاعىنىڭ بۇرىنعى قىستاق كوميتەتىنىڭ مەڭگەرۋشىسى مىڭ ليڭفىن نەكەلەنگەن قىستاق تۇرعىندارىنا گۇل شەڭبەرىن ۇسىنىپ، «ەڭ مىقتى قىستاعى مەڭگەرۋشىسى» دەپ اتالعان.

 نەگىزگى ساتى دا الاستالعان قارا قوعام سيپاتتى زۇلىم كۇشتەردىڭ ىشىندە، قىستاق باسشىلارىنىڭ «قىستاق زومەگەرلەرىنە» وزگەرۋى جونىندەگى دەلو دەرەكتەرى وتە كوپ. 2013- جىلى 6- ايدىڭ 13- كۇنى، ليحي قىستاعىنداعى 100 دەن استام اشۋعا بۋلىققان قىستاق تۇرعىنى توپتاسىپ ۇكىمەتكە ارىزدانىپ، وزدەرىنىڭ قىستاق شۋجيى جاڭ جيانگۋونى اشكەرىلەيدى. قىستاق تۇرعىندارى ارىزدانىپ بولعان سوڭ، تەكسەرۋ گرۋپپاسى جاڭ جيانگومەن اڭگىمەلەسكەندە، ول: «سىزدەردىڭ تەكسەرۋلەرىڭىزگە قاراي المايمىن، مەن قازىر قىستاعىما قايتۋىم كەرەك، قىستاقتاعىلار مەنى تاعى دا ‹جاساسىن شاقىرادى›»،- دەيدى. جاڭ جيانگۋونىڭ بۇل ءسوزىن ەستىگىندە تەكسەرۋ گرۋپپاسىنداعىلار اڭىرىپ قالادى.

 ليحى قىستاعىنىڭ قىستاق كادرى جاڭ جيانگۋو ءوز بىلگەنىنشە وكتەمدىك جۇرگىزگەن، ونىڭ پاڭدانىپ ءوزىن قۇدىرەتتى ساناعان ىستەرى جايىنداعى مىسالدار ساناپ تاۋىسقىسىز. ماسەلەن، قىستاق «ەكى كوميتەتىنىڭ» ۇلكەندى – كىشىلى ىستەرىندە جاڭ جيانگونىڭ ايتقانى عانا ەسەپ بولادى. ءتىپتى قىستاق تۇرعىندارى توي – تومالاق وتكىزۋ ءۇشىن دە ونىڭ ۇيىنە بارىپ ماقۇلدىعىن سۇراۋ كەرەك، ونىڭ ماقۇلدىعىنسىز ەشقانداي حارەكەت جاساۋىنا بولمايدى. جاڭ جيانگۋو ءوز اتالاسىنىڭ ىشىندەگى «اعا شونەسىنىڭ» ءبىرى ياعني اتالاستارىنىڭ وتباسىندا بىرەۋ قايتىس بولسا، جاڭ جيانگۋونىڭ «قۇرمەتىن» سۇرايدى ياعني ونىڭ ۇيىنە بارىپ «دوكلات» جاسايدى. «دوكلات جاساپ» بولىپ ەسىكتەن شىعار كەزدە، جاڭ جيانگۋو ءولىمدى سىلتاۋراتىپ، دوكلات جاساعالى كەلگەندەردى وزىنە تاعىزىم ەتكىزىپ، «اعا شونەسىنە» قۇرمەت ەتۋگە ماجبۇرلەيدى. 

 ليحى قىستاعىندا جاڭ جيناگۋو ەلگە زوبالاڭ سالىپ قانا قالماستان، ونىڭ ايەلى دە ىشپەن استاسىپ بۇقاراعا قوقاڭداپ، كولدەنەڭ پايداعا بەلشەسىنەن باتتى. كىمنىڭ وتباسى جوسپارلى تۋىت ساياساتىنا قايشىلىق جاساسا، ليحى قىستاعىنىڭ ايەلدەر مەڭگەرۋشىسى ياعني جاڭ جيانگۋونىڭ ايەلى جاڭ ايچيڭعا ءسوزسىز اقشا بەرۋى كەرەك. 2014- جىلى 12- ايدا، ۋياڭ اۋداندىق حالىق سوت مەكەمەسى ٴبىرىنشى سوتتا جاڭ جيانگۋوعا 17 جىلدىق مەرزىمدى قاماق جازاسىن كەستى.

 قارا قوعام سيپاتتى زۇلىم كۇشتەردىڭ «قورعانىشى»

 ــ قوعام حاۋىپسىزدىگى مەڭگەرمەسىنىڭ قۇمارپاز ورىنباسار مەڭگەرۋشىسى قۇمارحانانىڭ «قامقورشىسى» بولدى

 جەرگىلىكتى ورىنداعى قارا قوعام سيپاتتى زۇلىم كۇشتەردىڭ ويىنا كەلگەنىن ىستەۋىنە، شىرىكتەس باسشىلاردىڭ ولارعا ارتقى تىرەك بولۋى مۇرىندىق بولدى. سوندىقتان، قارا قوعام سيپاتتى زۇلىم كۇشتەردىڭ «قورعانىشىنا» (保护伞) سوققى بەرۋدىڭ ماڭىزى ٴتىپتى دە زور. ونداي بولسا، ٴسىرا قانداي ادامدار قارا قوعام سيپاتتى زۇلىم كۇشتەردىڭ «قورعانىشىنا» اينالدى؟

 جۋىقتاعى جىلداردان بەرى تەكسەرىپ انىقتالعان «قورعانىشتاردىڭ» ىشىندە نەداۋىر اتاعى شىققانى ـ حۋنان ولكەلىك قوعام اماندىعىن جاپپاي وڭاۋ كەڭسەسىنىڭ بۇرىنعى مەڭگەرۋشىسى، ولكەلىك قوعام حاۋىپسىزدىگى مەڭگەرمەسىنىڭ بۇرىنعى ورىنباسار باستىعى جوۋ فۋبودىڭ وماقاسۋى ەدى. بيىل 10- ايدا، جوۋ فۋبودىڭ دەلوسى ورتالىق ٴتارتىپ تەكسەرۋ كوميتەتى، مەملەكەت باقىلاۋ كوميتەتىنىڭ جالپى حابارلاندىرعان تيپتىك دەلولارىنىڭ ءبىر بولدى. 

 2017- جىلى 2- ايدا «ۋىنسان تورە» دەپ اتالاتىن، «چاڭشاداعى قارا قوعام سيپاتتى زۇلىم كۇشتەردىڭ اتامانى» ۋىن ليەحۋڭ قولعا الىندى. سودان كوپ وتپەي، حۋناندا بىرنەشە مەڭگەرمە دارەجەلى ٴمانساپتىلارعا ٴۇرتىس تەكسەرۋ جۇرگىزىلگەندە، ۋىن ليەحۋڭ الدىڭعى قاتارعا ءتىزىلدى. 

 حابارعا قاراعاندا، جوۋ فۋبو شاۋياڭ قالاسىنىڭ ورىنباسار قالا باستىعى مىندەتىن وتەگەن كەزدەن باستاپ قۇمار ويناۋعا قۇنىققان، جايشىلىقتا ول ءار جۇما سايىن شاۋياڭنان چاڭشاعا بارىپ تىكە قۇمارعاناعا كىرىپ، جۇمادان جەكسەنبى كۇنى كەشكە دەيىن سول قۇمارحانادا بولىپ، جەكسەنبى كۇنى كەشتە عانا شاۋياڭعا قايتىپ قىزمەتكە شىعاتىن بولعان. ول قارتا ۇستەلىندە 2 كۇن، 2 كەش قۇمار ويناۋعا كىرىسەدى. ونىڭ ءبىر جولدا ەڭ كوپ ۇتتىرعان اقشاسى 2 ميلليون يۋاننان اسقان، ول اقشا ۇتتىرعان كۇندەرى ۋىن ليەحۋڭدى ىزدەپ بارىپ، ودان جوعارى ءوسىمدى قارىز الىپ وتىرعان. ول قوعام حاۋىپسىزدىگى مەڭگەرمەسىنىڭ باستىعى بولعاننان كەيىن، ۋىن ليەحۋڭ ودان الاتىن اقشا ءوسىمىن كەشىرىم ەتكەن، الايدا ول مولشەرى وراسان زور نەگىزگى سوماسىن قايتارۋعا امالسىز قالعان. سونىمەن ول ۋىن ليەحۋڭنىڭ قارا قوعام سيپاتتى زۇلىم كۇشتەرىنىڭ «قورعانىشىنا» اينالعان. 2015- جىلى چاڭشا قالالىق قوعام حاۋىپسىزدىگى مەكەمەسى ۋىن ليەحۋڭنىڭ زاڭسىز تيجارات جۇرگىزۋ دەلولارىن تەكسەرمەكشى بولعاندا، جوۋ فۋبو بۇل جونىندە ەشقانداي حابارى جوق بولعاندىقتان، قالالىق مەكەمەلەردىڭ باسشىلارىنا تەلەفون بەرىپ، دەلونى كۇشىنەن قالدىرىپ ٴبىر جاقتىلى ەتۋدى تالاپ ەتكەن. 

 تەكسەرۋ جۇرگىزىلگەننەن كەيىن، ۇكىمەتتىڭ قاتىستى تاراۋلارى جوۋ فۋبونىڭ ماسەلەسىن جالپىعا حابارلاندىردى. بۇعان ونىڭ ۇقىق ساۋداسى، اقشا الىم – بەرىم ساۋداسى، پارا الۋ، تارتۋ – تارالعى قابىلداۋ، قىزمەت ۇقىعىنان پايدالانىپ كوپتەگەن جەكەلەر يەلىگىندەگى ىقپالدى كاسىپورىن قوجايىندارىنان قىرۋار قارىز الىپ جارنا ساۋداسىمەن شۇعىلدانۋ؛ بەلگىلەمەگە قايشىلىق جاساپ كيلىگۋ جانە ٴادىليالىق قيمىلدارعا قول سۇعۋ؛ قۇمار ويناۋعا قاتىناسۋ، قۇمارعا تىگىلگەن اقشاسى وراسان زور بول قاتارلى ماسەلەلەر قامتىلدى.

حانزۋشادان اۋدارعان: امانتاي انيكون ۇلى(تورابىمىزدىڭ ۇسىنىس ەتىلگەن ءتىلشسى) 

来源:人民网

监制:吴新日

审稿:达吾力别克

翻译:阿曼台

编辑:努丽霞提