ۋاڭ تيە پارتيالىلىقتان، مىندەتىنەن قالدىرىلدى

حىنان ولكەلىك حالىق قۇرىلتايى تۇراقتى كوميتەتىنىڭ بۇرىنعى ورىنباسار مەڭگەرۋشىسى ۋاڭ تيە پارتيالىلىقتان، مىندەتىنەن قالدىرىلدى

 وتكەندە، ج ك پ ورتالىق كوميتەتىنىڭ بەكىتۋىمەن، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ كوميتەتى حىنان ولكەلىك حالىق قۇرىلتايى تۇراقتى كوميتەتى پارتگرۋپپاسىنىڭ بۇرىنعى ورىنباسار سەكراتارى، ورىنباسار مەڭگەرۋشىسى ۋاڭ تيەنىڭ تارتىپكە، زاڭعا اۋىر قايشىلىق جاساۋ ماسەلەسىنە قاراتا دەلو تۇرعىزىپ تەكسەرۋ جۇرگىزدى.

 تەكسەرۋ بارىسىندا: 

 ۋاڭ تيە ساياسي تارتىپكە جانە ساياسي جوسىنعا، ۇيىمدىق تارتىپكە قايشىلىق جاساپ، ولكەلىك پارتكومنىڭ كەزەك اۋىستىرۋىنان بۇرىن داۋىس جيناۋ قيمىلىمەن شۇعىلدانعان، جەكەلىك قاتسىتى ىستەرىن بەلگىلەمە بويىنشا مالىمدەمەگەن.

 پاكتىك تارتىپكە قايشى كەلىپ، ۇقىعىنان جانە ءمانساپ ىقپالىنان پايدالانىپ، تۋىسقاندارىنىڭ ساۋدا-ساتتىق قيمىلدارى قاتارلىلارعا كومەكتەسكەن، بەلگىلەمەگە قايشى تارتۋ-تارالعى، سالەم-ساۋقىت قابىلداعان.

تۇرمىستىق تارتىپكە قايشى كەلگەن. 

ۋاڭ تيە پارتيانىڭ جوعارى دارەجەلى باسشى كادىرى بولا تۇرا، پارتيالىق پرينسيپتەن ايىرىلىپ، جالپىلىق ۇقىق كۇشىن باس پايدانى كوزدەۋدەگى قۇرالعا اينالدىرعان،ءىس-ارەكەتى پارتيانىڭ تارتىبىنە قايشى كەلگەن ءارى قىزمەت مىندەتىندە زاڭعا قايشى كەلۋدى قالىپتاستىرعان، قاتاڭ ءبىر جايلى ەتىلۋگە ءتيىستى. 

ۋاڭ تيە وزدىگىنەن قىلمىسىن مالىمدەپ، ىرىقتى تۇردە تارتىپكە، زاڭعا اۋىر قايشىلىق جاساعان ماسەلەسىن تاپسىردى، تارتىپكە، زاڭعا قايشى تابىسىن وزدىگىنەن تۇگەلدەي تاپسىرىپ، شىن پەيىلىمەن قاتەلىگىن مويىنداپ وپىق جەدى، جەڭىلدەتىپ ءبىر جايلى ەتۋگە بولادى. 

«جۇڭگو كوممۋنيستىك پارتياسىنىڭ ءتارتىپ جازا ەرەجەسى»، «جۇڭحۋا حالىق رەسپۋبليكاسىنىڭ تەكسەرۋ زاڭى» قاتارلى قاتىستى بەلگىلەمەلەرگە نەگىزدەلىپ، ورتالىق ءتارتىپ تەكسەرۋ كوميتەتىنىڭ تۇراقتى كوميتەت ماجىلىسىندە زەرتتەۋ جانە ج ك پ ورتالىق كوميتەتىنىڭ ۇيعارىمى ارقىلى مىناداي بەكىتىم جاسالدى: 

ۋاڭ تيەگە پارتيالىلىقتان قالدىرۋ جازاسىن بەرۋ ۇيعارىلدى؛ 

مەملەكەتتىك باقىلاۋ كوميتەتى مىندەتىن الۋ جازاسىن بەرىپ، ورىنباسار باسقارما دارەجەلى باسشىلىق ورىننان تىسقارى مىندەتكە تومەندەتىپ، زەينەتكە شىعۋ رەسمياتىن باسقارتۋدى ۇيعاردى؛ 

حىنان ولكەلىك 10-كەزەكتى پارتيا قۇرىلتايىنىڭ ۋاكىلدىك تولىمدىلعىن كۇشىنەن قالدىردى؛ 

تارتىپكە، زاڭعا قايشى تابىسىن جيىپ الۋ ۇيعارىلدى.

ۋاڭ تيەنىڭ قىسقاشا بايانى

ۋاڭ تيە، ەر، 1957-جىلى 10-ايدا تۋىلعان، حانزۋ، حىنان ولكەسى بيياڭ اۋدانىنىڭ ادامى، اسپيرانت ماعلۇماتىنا يە، باسقارۋ ءىلىمىنىڭ دوكتورى، جوعارى دارەجەلى ەكونوميس. 1968-جىلى 8-ايدا جۇڭگو كوممۋنيستىك پارتياسىنا مۇشە بولعان، 1974-جىلى 3-ايدا قىزمەتكە قاتىناسقان. 

1974-جىلى 3-ايدان 1978-جىلى 12-ايعا دەيىن حىنان ولكەسى بيياڭ اۋدانى مەيلين جاستار اترەتىندە زيالى جاس بولىپ اۋىلدىققا تۇسكەن. 

1978-جىلى 12-ايدان 1981-جىلى 3-ايعا دەيىن، حىنان ولكەلىك ساۋدا مەكتەبىندە جوسپارلى ساناق كاسىبىنەن وقىعان.

1981-جىلى 3-ايدان 1985-جىلى 7-ايعا دەيىن، حىنان ولكەلىك ساۋدا مەكتەبىندە وقىتۋشىلىق ىستەگەن. 

1985-جىلى 7-ايدان 1988-جىلى 1-ايعا دەيىن، حىنان ولكەلىك ساۋدا مەڭگەرمەسى كەڭسەسىندە قىزمەتكەر، جالپىلىق گرۋپپاسىنىڭ ورىنباسار باستىعى، ورىنباسار مەڭگەرۋشى دارەجەلى ءبولىم قىزمەتكەرى بولعان. 

 (1983-جىلى 9-ايدان 1986-جىلى 6-ايعا دەيىن، جىڭجوۋ ۋەنيۆەرسيتەتى زاڭ فاكلتوتىنىڭ زاڭ كاسىبىنىڭ كەشكى ۋەنيۆەرسيتەتىنەن جوعارى تەحنيكوم وقىعان) 

1988-جىلى 1-ايدان 1990-جىلى 12-ايعا دەيىن، حىنان ولكەلىك ساۋدا باسقارۋ كوميتەتى ساۋدا باسقارۋ مەڭگەرمەسىنىڭ ورىنباسار مەڭگەرۋشىسى، كەڭسەسىنىڭ ورىنباسار مەڭگەرۋشىسى بولعان. 

1990-جىلى 12-ايدان 1994-جىلى 3-ايعا دەيىن، حىنان ولكەلىك تۇز ىستەرىن باسقارۋ مەكەمەسىنىڭ باستىعى، ولكەلىك تۇز كاسىپتىك سەرىكتىگىنىڭ ديرەكتورى، ولكەلىك كومەكشى ازىق-تۇلىك سەرىكتىگىنىڭ ديرەكتورى قوسىمشا پارتيا باس ياچەيكاسىنىڭ ورىنباسار سەكراتارى بولعان. 

1994-جىلى 3-ايدان 1996-جىلى 3-ايعا دەيىن، حىنان ولكەلىك كومەكشى ازىق-تۇلىك سەرىكتىگىنىڭ ديرەكتورى قوسىمشا پارتيا باس ياچەيكاسىنىڭ ورىنباسار سەكراتارى بولعان.

1996-جىلى 3-ايدان 2000-جىلى 2-ايعا دەيىن، حىنان ولكەلىك ساۋدا مەڭگەرمەسىنىڭ ورىنباسار باستىعى، پارتگرۋپپا مۇشەسى بولعان. 

(1995-جىلى 9-ايدان 1997-جىلى 2-ايعا دەيىن، جۇڭگو ساياسي زاڭ ۋەنيۆەرسيتەتىنىڭ اسپيرانت ينستيتۋتىنەن زاڭ ءىلىمى كاسىبىن وقىپ، زاڭ ءىلىمىنىڭ ماگيستىر اتاعىن العان) 

2000-جىلى 2-ايدان 2001-جىلى 12-ايعا دەيىن، حىنان ولكەسى جييۋان قالالىق پارتكومنىڭ ورىنباسار سەكراتارى، قالا باستىعى بولعان. 

2001-جىلى 12-ايدان 2003-جىلى 2-ايعا دەيىن، حىنان ولكەسى جييۋان قالالىق پارتكومنىڭ سەكراتارى، قالالىق حالىق قۇرىلتايى تۇراقتى كوميتەتىنىڭ مەڭگەرۋشىسى بولعان. 

2003-جىلى 2-ايدان 2003-جىلى 7-ايعا دەيىن، حىنان ولكەسى شينياڭ قالالىق پارتكومنىڭ ورىنباسار سەكراتارى، ۋاقىتتىق قالا باستىعى بولعان. 

2003-جىلى 7-ايدان 2006-جىلى 11-ايعا دەيىن، حىنان ولكەسى شينياڭ قالالىق پارتكومنىڭ ورىنباسار سەكراتارى، قالا باستىعى بولعان. 

2006-جىلى 11-ايدان 2006-جىلى 12-ايعا دەيىن، حىنان ولكەسى شينياڭ قالالىق پارتكومنىڭ سەكراتارى، قالا باستىعى بولعان. 

2006-جىلى 12-ايدان 2012-جىلى 1-ايعا دەيىن، حىنان ولكەسى شينياڭ قالالىق پارتكومنىڭ سەكراتارى بولعان.

(2006-جىلى 9-ايدان 2009-جىلى 3-ايعا دەيىن، ورتا جۇڭگو عىلىم-تەحنيكا ۋەنيۆەرسيتەتىندە اكىمشىلىك باسقارۋ كاسىبىنەن اسپيرانت وقىپ، باسقارۋ ىلىمىنەن دوكتورلىق اتاق العان) 

2012-جىلى 1-ايدان 2012-جىلى 4-ايعا دەيىن، حىنان ولكەلىك ۇكىمەتتىڭ ورىنباسار باستىعى، شينياڭ قالالىق پارتكومنىڭ سەكراتارى بولعان.

2012-جىلى 4-ايدان 2013-جىلى 4-ايعا دەيىن، حىنان ولكەلىك ۇكىمەتتىڭ ورىنباسار باستىعى، پارتگرۋپپا مۇشەسى بولعان. 

2013-جىلى 4-ايدان 2018-جىلى 1-ايعا دەيىن، حىنان ولكەلىك ۇكىمەتتىڭ ورىنباسار باستىعى، پارتگرۋپپا مۇشەسى، ولكەلىك پارتكوم اۋىل-قىستاق قىزمەت كەڭسەسىنىڭ مەڭگەرۋشىسى بولعان. 

2018-جىلى 1-ايدا، حىنان ولكەلىك حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى، ولكەلىك ۇكىمەتتىڭ پارتگرۋپپا مۇشەسى، ولكەلىك پارتكوم اۋىل-قىستاق قىزمەت كەڭسەسىنىڭ مەڭگەرۋشىسى بولعان. 

كەلۋ قاينارى: حالىق گازەتىنىڭ ۋيچات تەكشەسى

اۋدارعان: مارالبەك ابدىكارىم ۇلى (تورابىمىزدىڭ ۇسىنىس ەتىلگەن ءتىلشىسى) 

来源:人民日报

监制:吴新日

审稿:达吾力别克

翻译:马然力

编辑:努丽霞提