جىلجىپ وتكەن جىلدار-اي − ساۋدا وزگەرىسىنىڭ كۋاگەرلەرى

جىلجىپ وتكەن جىلدار – اي ـــ ەكى قاتتى قابىقتى جەمىس ياعني شەكىلدەۋىكتەر ساۋدا وزگەرىسىنىڭ كۋاگەرى بولا الا ما؟

 ورتالىق حالىق راديو ستانسياسى شياڭگاڭ-اۋمىن جانە ىشكى ولكەلەردەگى 10 نەشە راديو ستانسيالارىمەن سەلبەسىپ، رەفورما جاساپ، ەسىك اشۋدىڭ 40 جىلدىعىن قۇتتىقتاۋعا ارنالعان « جىلجىپ وتكەن جىلدار – اي» دەگەن ۇلاسپالى حاباردى اۋە تولقىنىنا شىعاردى. ەندەشە، جاس تىلشىلەرمەن بىرلىكتە تارلان تاريحتىڭ تەرەڭ قاتپارىنا ءۇڭىلىپ، 40 جىلدان بەرگى ەلەۋلى تابىستارىمىزدى ەسكە الىپ كورەيىك! 

 «شازى شەكىلدەۋىگى» جانە «ءۇش تيىن» قاتارلى ونىمدەر تۇگەل انحۇي ولكەسى ۋحۋ قالاسىنىڭ ايگىلى ازىق – تۇلىك ماركاسىن جاراتتى. ءبىرى، جالپى جۇرتقا تانىمالى ءونىم ياعني كەزىندە ىقپالى توتەنشە زور بولعان ٴداستۇرلى ساپالى ءونىم؛ ەندى ءبىرى، دامۋعا بەت العان قازىرگى «تاۋباۋ» تورابىنىڭ كۇن سايىن گۇلدەنگەن ەلەكتروندىق ساۋداسىنداعى تاڭداۋلى ءونىم.

 وسى ەكى ايگىلى ءونىمنىڭ تيجارات ارناسى ەكى ءتۇرلى بولعانىمەن، ەكەۋى دە داۋىرگە ىلەسە دامىدى؛ ءبىر كونە، ءبىر جاڭا ءونىم بولعانىمەن ۋحۋ قالاسىنىڭ ساۋدا سالاسىندا، ٴتىپتى تۇتاس ەلىمىزدىڭ ساۋدا سالاسىندا ەكى ٴداۋىردى باستان كەشىردى.

«شازى شەكىلدەۋىگىنىڭ» ىرگەسىن قالاۋشى: نيان گۋاڭجيۋ

 نيان گۋاڭجيۋ «جۇڭگونىڭ تۇڭعىش ساۋداگەرى» دەپ اتالعان. رەفورما جاساپ، ەسىك اشۋعا ات سالىسۋشىلاردىڭ ءبىرى. ويتكەنى ۋحۋدا تۇڭعىش رەت جەكەشە كاسىپورىن قۇرىپ، جۇزدەن استام ادام جالداپ ىستەتىپ، «ميلليون يۋاننان استام اقشاسى بار باردام وتباسىنا» اينالعاندىقتان، وتكەن عاسىردىڭ 80- جىلدارىنىڭ باسىندا «كاپيتاليزم بە»، الدە «سوتسياليزم بە» دەگەن تالاس – تارتىس تۋدىرعان. 

«شازى شەكىلدەۋىگىنىڭ» مۇراجايداعى ماتەريالداردى

 «شازى شەكىلدەۋىگى» ءونىمى رەفورما جاساپ، ەسىك اشۋدىڭ ورايىنان تولىق پايدالانىپ، بازارعا سۇيەنىپ بۇكىل ەلىمىزدەگى ەڭ ٴوتىمدى ونىمگە اينالدى. قازىرگى تاڭدا «ءۇش تيىن» ءونىمى ەلەكتروندىق ساۋدا تەكشەسىنەن پايدالانىپ ورايدى مىقتى يگەرىپ، الەمدەگى ەڭ جاقسى قابىقتى جەمىستەر بازارىنىڭ الدىڭعى قاتارىنان ورىن الدى.

«ءۇش تيىن» ءونىمىنىڭ جۇمىس ورنى

 2017- جىلى 12 مينوتتا 100 ميلليون يۋان تابىسقا قول جەتكىزسە، ال بيىل 9 مينوت 29 سەكوندتا 100 ميلليون يۋان تابىسقا قول جەتكىزدى. سونداي – اق «ءۇش تيىن» ءونىمى بيىل «قوس 11 دە زات ساتىپ الىپ شاتتىققا شومۋ مەرەكەسىندە» تاعى دا تاماشا ناتيجە جاراتتى. 2012- جىلى انحۇي ولكەسىنىڭ ۋحۋ قالاسىندا شاڭىراق كوتەرىپ، اۋىل شارۋاشىلىق ونىمدەرىن ەلەكتروندى ساۋدا ارقىلى ساۋدالاۋمەن شۇعىلدانىپ كەلە جاتقان وسى كاسىپورىن، ٴوزىنىڭ تيجارات دەڭگەيىن جوعارىلاتۋدا ۇزدىكسىز جاڭالىق جاراتۋدا.

رەفورمانىڭ باستاۋى ــ اۋەلگى رەفورما 

 قازىرگى «ءۇش تيىن» ءونىمىنىڭ ەلەكتروندىق ساۋدا جايىن اۋىزعا الار بولساق، ونىڭ «توراپتا ساتۋ مەن دۇكەندە ساتۋدى توعىستىرعان» جاڭاشا بولشەك ساتۋ تاسىلىندە اۋىزعا الۋىمىزعا تاتيدى. ال بۇكىل ەلىمىزدە 2000 نان ساۋدا دۇكەنى بار «شازى شەكىلدەۋىگى» ءونىمى دە ءداۋىر اعىمىنا ىلەسىپ، ەلەكتروندىق ساۋدا قۇرىلىسىن جەدەلدەتىپ، سەرىكتەستىكتىڭ جارنا ۇقىعى تۇزىلىسىنە وزگەرىس ەنگىزىپ، كاسىپتىك مەڭگەرۋشىلەردى جۇمىسقا ۇسىنىس ەتتى.

 ۇلى وزگەرىستىڭ جويقىن تولقىنىنا ىلەسكەن ەلىمىزدىڭ ساۋدا ۇلگىسىندە، كەلەشەكتە قانداي بۇرىلىس تۋىلادى. مۇنى ەشكىم دە ءداپ باسىپ دۇرىس مەجەلەي المايدى. الايدا دۇنيە ءجۇزى وسىلاي جاڭارىپ، ۇزدىكسىز گۇلدەنەدى! 

حانزۋشادان اۋدارعان: امانتاي انيكون ۇلى

监制:王非

审稿:达吾力别克

翻译:阿曼台

编辑:努丽霞提