بۇقارانى الداعانداردىڭ سازايىن تارتقىزدى

بۇقارانى الداعانداردىڭ سازايىن تارتقىزدى

11- ايدىڭ 14- كۇنى، ورتالىق تەلەۆيزياسى «وي تولعاۋى» ايدارىندا، شىنياڭ يۇحۇڭ جيحۋا شيپاحاناسى مەن شىنياڭ دوستىق بۇيرەك اۋرۋلار جۇڭگوشا ەمدەۋ شيپاحاناسىنىڭ ەمدەۋ قامسىزداندىرۋ قورىن الداپ الىپ، الدامشىلىق قىلمىسىن وتكىزۋ كۇمانى بار دەپ اشكەرەلەگەن حابارى بەرىلدى. لياۋنيڭ ولكەلىك پارتكومىنىڭ شۋجيى چىن چيۋفا ەكى رەت نۇسقاۋ بەرىپ، شىنياڭ قالالىق پارتكومىنىڭ بۇل ءىستى تۇبەگەيلى تەكسەرىپ، قاتاڭ ءبىر جايلى ەتىپ، جاۋاپكەرشىلىكتى ءسوزسىز قۋزاۋىن تالاپ ەتتى. ولكە باستىعى تاڭ ي- جۇن شىنياڭ قالاسىنىڭ اتالعان ماسەلەنى دەرەۋ تەكسەرىپ انىقتاپ، زاڭ بويىنشا ءبىر جايلى ەتۋگە نۇسقاۋ ەتىپ، «بىرگە تاربيە بەرىپ، مىڭعا ەسكەرتۋ جاساۋ»، باقىلاپ- باسقارۋدى پارمەندى كۇشەيتۋدى تالاپ ەتتى.

شىنياڭ قالالىق پارتكوم مەن قالالىق حالىق ۇكىمەتى بۇل ىسكە ەرەكشە ءمان بەرىپ، قالا باستىعى دەركەزىندە، ارناۋلى ءماجىلىس اشىپ، قالا باسشىلارى باس بولعان، قالالىق ءتارتىپ تەكسەرۋ- باقىلاۋ كوميتەتى، قالالىق قوعام حاۋىپسىزدىك مەكەمەسى، ادام كۇشى بايلىعى جانە قوعامدىق قامتاماسىزداندىرۋ مەكەمەسى، دەنساۋلىق ساقتاۋ، جوسپارلى تۋىت كوميتەتى جانە دادۇڭ رايونى، يۇحۇڭ رايونى قاتارلى قاتىستى مەكەمە ورىندارىنان قىزمەت تەكسەرۋ گرۋپپاسىن قۇرىپ، كوپتەگەن تاراۋلاردىڭ سايكەسىمدى سەلبەسۋىندە، دەلوعا قاتىستى ەكى شيپاحانانىڭ قىزمەتىنە بارلاۋ- تەكسەرۋ جۇرگىزىپ، جالپى بەتتىك تەكسەرۋ الىپ باردى. شىنياڭ قالالىق ادام كۇشى بايلىعى جانە قوعامدىق ەڭبەك قامتاماسىزداندىرۋ مەكەمەسى، دەنساۋلىق ساقتاۋ، جوسپارلى تۋىت كوميتەتى مەن يۇحۇڭ رايونى، دادۇڭ رايونى سياقتى قاتىستى تاراۋلار جەدەل قيمىلداپ، زاڭ- ەرەجە بويىنشا، دەلوعا قاتىستى ەكى شيپاحانانىڭ كاسىبىن توقتاتىپ، رەتكە سالۋعا  بۇيىردى. شيپاحانانىڭ ەمدەلۋ قامسىزداندىرۋ تورابىنا قاتىستى ىستەردىڭ بارلىعىن توقتاتىپ، قارجى ەسەپتەرى مۇزداتىلدى. ەمدەۋ قامسىزداندىرۋ قىزمەت وتەۋ كەلىسىمىن اقىرلاستىردى. سونىمەن قاتار، ەكى شيپاحاناداعى ناۋقاستاردى باسقا جەرلەرگە ۇيلەسىمدى ءبولىپ، بولىنگەن ورىندارعا اپارىپ ەمدەۋ قىزمەتىن جاقسى ىستەدى. 

شىنياڭ قالالىق قوعام حاۋىپسىزدىك مەكەمەسىنىڭ تەكسەرىپ انىقتاۋىندا، شىنياڭ يۇحۇڭ جيحۋا شيپاحاناسى مەن شىنياڭ دوستىق بۇيرەك اۋىرلاۋ شيپاحاناسى2017- جىلدان بەرى قاراي، ىلگەرىندى- كەيىندى زاڭدى شيپاحانا بولىپ قۇرىلىپ، ءبىرىن- ءبىرى قۋاتتاپ كەلگەن. ولار شيپاحاناعا كورىنىپ كەلگەن ناۋقاستاردى دەلدالداردىڭ جالعان ناۋقاستاردى وزدەرىنە تانىستىرۋ، ناۋقاس تاريحىن ويدان جاساپ ەسەپكە كىرگىزۋ، جالعان دەگنوز قويىپ، جالعان ەمدەۋ جۇرگىزۋ سياقتى تاسىلدەرمەن مەملەكەتتىڭ ەمدەلۋ قامسىزداندىرۋ قورىن الداپ الىپ، الدامشىلىق قىلمىسىن وتكىزگەن. كەزەكتە، ەكى دەلوعا قاتىستى شيپاحانانىڭ باستىقتارى مەن نەگىزگى قىلىمىس كۇماندىلارىنىڭ بارلىعىن قولعا الدى. ساقشى تاراۋلارى زاڭ بويىنشا، دەلوعا قاتىستى ادامداردان 242 ادامدى شاقىرىپ، قىلمستىق ىستەر بويىنشا 37 ادامدى قاماي تۇرۋعا، ءبىر ادامدى باقىلاۋعا الدى جانە سوتتالعانعا دەيىن ءبىر ادامدى كەپىلگە شىعاردى.

شىنياڭ قالالىق ءتارتىپ تەكسەرۋ- باقىلاۋ كوميتەتى ەمدەۋ قامسىزداندىرۋىن تەكسەرىپ بەكىتۋ، ەسەبىنە انىقتاۋ جۇرگىزۋ، تاراتۋ سياقتى بارلىق بۋىندارىنا دەيىن ماسەلەلەردىڭ ساقتالعان- ساقتالماعاندىعى جونىندە ەگجەي- تەكجەيلى تەكسەرۋ جۇرگىزىپ، العاشقى قادامدا قالالىق ەمدەۋ قامسىزداندىرۋ ورتالىعىنداعى قاتىستى قىزمەتكەرلەرمەن ەكى شيپاحانانىڭ ەكونوميكالىق بارىس- كەلىستەرىندەگى دالەل- سپاتتاردى يەلەپ، ءجىپ ۇشىن قولعا تۇسىردى. باستاپقى ساتىدا، ەكى شيپاحانانىڭ باسقا قىزمەت ورىندارىمەن بولعان قىزمەتى جونىندە ماسەلەلەردىڭ بار- جوقتىعىن باقىلاپ- باسقاردى. كەزەكتە، قالالىق ءتارتىپ تەكسەرۋ- باقىلاۋ كوميتەتى قالالىق ەمدەلۋ قامسىزداندىرۋ ورتالىعىندا، ەكى شيپاحانانىڭ دەلوسىنا قاتىسى بار قىزمەتكەرلەردى الىپ قالۋ شاراسىن قولداندى. قالالىق ەمدەلۋ قامسىزداندىرۋ ورتالىعى بولىمشە باسقارماسىنىڭ ورىنباسار مەڭگەرۋشىسى: ەمدەۋ قامسىزداندىرۋ ورتالعىنان ەمدەلۋ قۇرىلىمىنا قىزمەت وتەۋگە جاۋاپتى ەكى جاۋاپتى باسشىنى جانە 3 قىزمەتكەردى قىزمەتىنەن توقتاتۋ مىندەتىن اتقارىپ، ۇيىمنىڭ باقىلاپ تەكسەرۋ بەكىمىنە تىعىز سەلبەستىك. كەزەكتە، دەلوعا قاتىستى قىزمەتكەرلەر باقىلاپ – تەكسەرۋگە الىنىپ، قىزمەت بارىسىنداعى دالەل سپاتتاردى جيناۋ قادامى ساتىلى جۇرگىزىلۋدە،- دەدى. شىنياڭ قالاسى كەزەكتە،  تۇتاس قالا كولەمىندە، ەمدەلۋ قامسىزداندىرۋ قورىن الداپ الۋعا سوققى بەرۋ ارناۋلى قيمىلىن كەڭ كولەمدى ورىستەتىپ، جالپى بەتتىك قالا بويىنشا ەمدەلۋ قامسىزداندىرۋ قارجىسىنىڭ ىستەتىلۋ جاعدايى جونىندە، ەمدەلۋ قامسىزداندىرۋ قورىن اداقتاۋ ارناۋلى قيمىلىن اتتانىسقا كەلتىرىپ، ەمدەۋ قامسىزداندىرۋ دەلوسى سياقتى ماسەلەلەرگە سىلەيتە سوققى بەرۋ قادامىن جەدەلدەتتى.

بۇرىنىعى حاباردا


 شيپاحانالاردا ناۋقاسى جوق قاريانىڭ ەمدەۋ قامسىزداندىرۋىن الداپ الۋ؛ جالعاننان دەگنوز قويۋ، ناۋقاسى جوق ادامعا جالعاننان ناۋقاس قالپاعىن كيگىزۋ، ناۋقاسحانانىڭ بوس تۇرۋى سياقتى جاعدايلار بولعان؛

شىنياڭ قالالىق يۇحۇڭ رايونىندا، ءاركۇنى تاڭەرتەڭ ورتا جاستاعىلارمەن قاريالاردىڭ بارلىعىنىڭ كولىك توسىپ تۇرعاندارىن بايقاسىز. ولار تىلشىگە: وسى كولىك توسىپ تۇرعان ادامداردىڭ بارلىعى تۇگەلدەي شيپاحاناعا باراتىندار،-دەدى. قاريالار كولىكتەن تۇسكەننەن كەيىن، ءبارى شىنياڭ قالالىق يۇحۇڭ جيحۋا شيپاحاناسىنا قاراي اياڭدايدى. بۇل شىنياڭ قالاسىنداعى بىردەن- ءبىر ءبىرىنشى دارەجەلى شيپاحانا بولىپ، شيپاحانانىڭ ەسىك الدىنا ەمدەلۋ قامسىزداندىرۋداعى ءتۇيىندى ورىن دەپ بەلگىلەنگەن ۆيۋەسكا ىلىنگەن. ءتىلشى وسى شيپاحانانىڭ الدىندا تەكسەرىپ- باقىلاۋدا، ءبىر ساعاتتىڭ ىشىندە، 3- 4 رەت قاتىناعان كولىكتەن قاريالاردىڭ اياق- الىسىنىڭ ۇزىلمەگەندىگىن بايقايدى.  


ەشقانداي تەكسەرۋدەن وتپەگەن جاعداي استىندا، قاريالار اتالعان شيپاحانادا ءتۇرلى ناۋقاستارعا كىرىپتار بولۋ، شيپاحانا جاتىپ ەمدەلۋ سياقتى دەگنوزدارى قويىلىپ جاتادى. شيپاحاناداعى ءبىر  ناۋقاس توسەگىنىڭ باسىنا « شۇعىل حارەكتىرلى بۇيرەك ناۋقاسى » دەپ جازىلعان ناۋقاس قاريا تىلشىگە بىلاي دەيدى. تاڭەرتەڭ شيپاحاناعا كەلىپ قول قويعاننان كەيىن، ولار قالا بازارىن ارالاپ، نارسە- كەرەك ساتىپ الادى. ناۋقاسحاناعا كەلگەننەن كەيىن، قوراپتالعان تەگىن تاماققا يە بولادى،- دەدى. (دەرەككوزى: حالىق گازەتى تورابىنىڭ ۋيچات تەكشەسى)

حانزۋشادان اۋدارىپ دايىنداعان: قاليما بوقان قىزى

监制:吴新日

审稿:努丽霞提

翻译:哈力玛.包汗

编辑:达吾力

www.kazakcnr.com