ۋيچاتتاعى اقشا الدامشىلىعىنىڭ سىرى اشىلدى

جانۇياسىنداعىلار ۋيچاتتا اقشا جوتكەۋدى تالاپ ەتكەندە، دىبىسى ءدال سول بولسادا، الدام قالتاعا ءتۇستى

 جاقىندا جاۋ حانىم ويدا جوقتا اكەسىنەن كەلگەن ۋيچات حابارىن قابىلدايدى، مۇندا‹ءوزىنىڭ سىرتقا شىعىپ كوكتات العالى بارعانىندا اقشاسىن ۇمىت قالدىرعانىن، قىزى جاۋ حانىمعا ۋيچاتقا 200 يۋان اقشا جوتكەۋىن تالاپ ەتكەنى› ايتىلعان بولاتىن، سەنەر-سەنبەسىن بىلمەگەن جاۋ حانىم تىلدىك دىبىس ارقىلى اكەسىنە ‹اكە، سىزسىزبە؟›-دەپ ءۇن قاتادى، لەزدەم ساتتە قارسى جاقتىڭ قايتارعان ءۇنىن قابىلدايدى. 

 جاۋ حانىم اكەسىنىڭ دىبىسى ەكەندىگىن تىڭداعان جەردەن بىلەدى دە، ويلانىپ تولعانباستان اقشانى جوتكەي سالادى، ناتيجەدە، الدام قالتاعا تۇسكەنىن بىلمەي قالادى. تەكسەرۋ بارىسىندا، جاۋ حانىمنىڭ اكەسىنىڭ ۋيچاتى الدە قاشان ۇرلانىپ پايدالانىلعانى، ءۇنىن الدىن الا دىبىسقا الىپ بولعانىن انىقتايدى. 

 وسى حابار دەرەۋ تارالعاننان كەيىن، كوپتەگەن ادامداردىڭ نازارىن تەزدەن اۋداردى. كەيبىر توراپتاستار بۇنداي ىستەر انشا تاڭعالارلىق ەمەستىگىن بىلدىرسە، ال كەيبىرەۋلەر ‹ۋيچاتتىڭ تىلدىك دىبىسىن جوتكەۋگە بولمايتىنى قايدا، نەلىكتەن جانەدە وسىنداي احۋلدار كورىلەدى؟ ءبىز قايتكەندە وسىنداي ىستەردىڭ تۋىلۋىنىڭ الدىن الامىز؟› دەگەن سياقتى كۇمانعا تولى سۇراۋلارىن قارشا بوراتتى. 

ۋيچاتتىڭ تىلدىك دىبىسىن بوتەن ادامدار قالايشا ۇرلاپ العان؟ 

 تەحنيكالىق تالداۋ جاساۋمەن مەديالاردىڭ سارى ىزىنە ءشوپ سالعانداعى ىسپاتتارىنىڭ جاي-جاپسارىن قاداعالاساق، ‹ابونتتاردىڭ (پايدالانۋشى) تىلدىك دىبىسىنا بوتەن ادامداردىڭ قول سالۋىندا› مىناداي ءبىرقانشا ءتۇرلى مۇمكىندىكتەر ساقتالۋدا:

1. ابونت ‹ۇقساتپالى ۋيچات› قولدانعان بولىپ،ءارى مۋما ۆيروسى جۇعىمدالىپ، قولفونداعى ماتەريالدارى مۋما ارقىلى ۇرلانعان بولۋى كەرەك. 

2. ابونتتىڭ باسقالاي جولدار ارقىلى ساقتاعان تىلدىك دىبىسى نەمەسە بايلانىس تىزبەگىندىك ينفورماتسياسىن، بۇزاقىلار قولعا تۇسىرەدى، ءارى تىلدىك دبىستى بىرىكتىرۋ باعدارلامالىق قۇرالى ارقىلى وزگەتكەن سوڭ، قاسىنداعى تۋىس-تۋعاندارىن الداۋعا ىستەتەدى. 

3. ءبىر ءبولىم مەديالاردىڭ حابارلاعان دەلو مىسالىنا قاراساق، الدامكوستەر ۋ-شۋعا تولى ورتا اسەرىن جاراتۋعا زەر سالادى، سونىمەن قاتار تىلدىك دىبىستى جاريالاۋداعى ارەكەتى ارقىلى سالاۋاتىنىڭ سەزىمدىك اڭداتۋىن ىسپاتتاپ، ءارى باسقالاي ابونتتاردىڭ قىراعىلىعىن تومەندەتىپ، قارسى جاقتىڭ سەنىمدىلىگىن يەلەيتىنى انىقتالعان. 

ۋيچاتتاعى تىلدىك دىبىستىڭ ‹كلونداۋى›نان قالاي ساقتانۋعا بولادى؟

1. ءارقانداي فورماداعى ۇكىمەت جاقتىڭ باسقارۋىنا جاتپايتىن ۋيچات قوسىمشاسىن ىستەتپەڭىز، وسىلاي بولعاندا ينفورماتسيانىڭ وزدىگىنەن اشىققا شىعۋ مۇمكىندىگىنەن ساقتايدى. 

2. باسقالاي توراپ تۇيىندەرى مەن تەكشەلەردە تىلدىك دىبىستاعى ينفورماتسياڭىزدى قالدىرىپ ساقتاۋدان اباي بولىڭىز، وسىلاي بولعاندا بوتەن ادامداردىڭ الۋىنىڭ ءارى زاڭسىز پايدالانۋىنىڭ الدىن الۋعا بولادى. 

ادەتتە وسىنداي زالىمدىقتان قالاي ساقتانۋ كەرەك؟

 ءوزىڭىزدىڭ ەسەپ ءنومىرىڭىزدىڭ حاۋىپسىزدىگىن قورعاي ءبىلىڭىز. 

1.ەسەپ ءنومىر، قۇپيا ءنومىر، كەلتە حات ىسپات ءنومىرى قاتارلى جەكەلىك ينفورماتسياڭىزدى باسقا بىرەۋلەر ءارقانداي سىلتاۋدى كولدەنەڭ تارتىپ الماقشى بولسا، استە ارىزلەپ بەرمەڭىز، ايتپەگەندە ءنومىرىڭىز ۇرلانۋى مۇمكىن. 

2.جەكەلىك ۋيچات ءنومىرىڭىز ۇرلانعان نسايدى بايقاساڭىز، دەرەۋ تەلەفون جەلىسندەگى ۋيچات حاۋىپسىزدىك سەنتىرىندە نەمەسە PC جەلىسى ۋيچات سەنتىرىندەگى توراپ تۇيىنىندە (weixin110.qq.com) ءنومىرىڭىزدى قاتىرىپ قويىڭىز، ءارى دوستارىڭىزعا الداپ-ارباۋدان ساقتانۋدى ەسكەرتىڭىز. 

ءنومىرى ۇرلانعاندار الدانۋدان ساق بولۋ

1. ۋيچاتتاعى دوس-جاراندارىڭىز اقشا قارىز سۇراعان نەمەسە باسقالاي قارجى تولەۋ احۋالدارىنا جولىقساڭىز، ەڭ جاقسىسى تەلەفوندا اۋىزبا-اۋىز تىلدەسىڭىز نەمەسە كەسكىن ارقىلى تۇراقتاندىرىڭىز، ەگەردە كۇڭگىرت، اشىق ەمەس تىلدىك دىبىستى كەزىكتىرسەڭىز، ءسوزسىز جىڭىشكەلىكپەن ىسپات ىزدەڭىز. 

2. ناقتىلى سالاۋاتىن تۇراقتاندىرماعان دوس-جارانىڭىزعا ەسەپ جوتكەۋ بارىسىندا، ەسەپ ءتۇسۋ ۋاقىتىن ‹2 ساعاتتا ەسەپ ءتۇسۋ› نەمەسە ‹24 ساعاتتا ەسەپ ءتۇسۋ›گە تەڭشەپ، ىڭعايلاستىرۋعا ۋاقىت قالدىرىڭىز. 

3. ۋيچاتتاعى دوس-جارانىڭىزدىڭ ۋيچات ءنومىرى ۇرلانعانىن بايقاعان بولساڭىز، دەر كەزىندە شاعىم بەرىڭىز، ءارى دوسىڭىزعا ءنومىرىن قاتىرۋدى قۇلاق قاعىس ەتىپ، جوتكەۋ ارقىلى باسقا ابونتتاردىڭ شىرعاعا تۇسۋىنەن ساقتانىڭىز. 

 ۇعىسۋعا قاراعاندا، ۋيچات حاۋىپسىزدىك ۇجىمى دا بەلگىلەمەگە قايشى ۇكىمەت ۋيچات قوسىمشاسى، ۇلگىلەۋىش، ءۇشىنشى جاقتىڭ قىستىرما بولشەگى قاتارلى ۋيچات نومىرلەرىن ىستەتۋگە ءۇرتىس سوققى بەرگەن، ءارى ءادىليا تاراۋلارىمەن سەلبەسۋ ارقىلى، ۋيچاتتاعى كوڭگىرت اتتاردى جامىلعان كاسىپتەرگە سوققى بەرۋدە. 

اۋدارعان: مارالبەك ابدىكارىم ۇلى (تورابىمىزدىڭ ۇسىنىس ەتىلگەن ءتىلشىسى)

来源:新华社

监制:吴新日

审稿:达吾力别克

翻译:马然力

编辑:努丽霞提