شي جينپيڭ ساپالى كادرلار قوسىنىن قۇرىپ شىعۋدى باسا دارىپتەدى

شي جينپيڭ ج ك پ ورتالىق كوميتەتى ساياسي بيۋروسىنىڭ 10-رەتكى كوللەكتيۆ ۇيرەنۋىندە: ولشەمدى قاتاڭداستىرىپ، ادامدى ءادىل ىستەتىپ، كوز ايانى كەڭەيتىپ، كادرلارعا دەم بەرىپ، ادال، پاك، جاۋاپكەرشىلىگى زور، ساپالى كادرلار قوسىنىن قۇرىپ شىعۋىمىز كەرەك-دەپ باسا دارىپتەدى 

ورتالىق راديو-تەلەۆيزيا باس ستانسياسىنىڭ حابارى. ج ك پ ورتالىق كوميتەتىنىڭ ساياسي بيۋروسى 11-ايدىڭ 26-كۇنى تۇستەن كەيىن جۇڭگو تاريحىنداعى بيلىك جۇرگىزۋ رايى جونىندە 10-رەتكى كوللەكتيۆ ۇيرەنۋىن وتكىزدى. ج ك پ ورتالىق كوميتەتىنىڭ باس شۋجيى شي جينپيڭ ۇيرەنۋدى باسقاردى ءارى بىلاي دەپ باسا دارىپتەدى: دۇرىس ساياسي لۋشياندى دۇرىس ۇيىمدىق لۋشيان ارقىلى كەپىلدەندىرۋ قاجەت. پارتيامىز حالىقتى ىنتىماقتاستىرا باستاپ قوس جۇز جىلدىق كۇرەس نىساناسىن جۇزەگە اسىرۋ جانە جۇڭحۋا ۇلتىنىڭ ۇلى كوركەيۋىندەي جۇڭگو ارمانىن جۇزەگە اسىرۋ ءۇشىن، جاڭا داۋىردەگى پارتيانىڭ ۇيىمدىق لۋشيانىن ءسوزسىز جالپى بەتتىك دايەكتەندىرۋى، دارىندىلار ولشەمىن قاتاڭ مىقتى يگەرىپ، ادامدى ءادىل ىستەتۋدە تاباندى بولىپ، ادام ىستەتۋدەگى كوز ايانى كەڭەيتىپ، كادرلاردىڭ بەلسەندىلىگىن وياتىپ، ادال، پاك، جاۋاپكەرشىلىگى زور، ساپالى كادرلار قوسىنىن قۇرىپ شىعۋى كەرەك. جۇڭگو قوعامدىق عىلىم اكەدەمياسى تاريح زەرتتەۋ ورنىنىڭ زەرتتەرمەنى بۋ شيانچيۇن اتالعان ماسەلە جونىندە تۇسىنىك جاسادى ءارى ۇسىنىس-پىكىرىن ءبىلدىردى.

ج ك پ ورتالىق كوميتەتى ساياسي بيۋروسىنداعى جولداستار تۇسىنىكتەمەنى مۇقيات تىڭدادى ءارى قاتىستى ماسەلەلەر جونىندە تالقى ورىستەتتى.

شي جينپيڭ ۇيرەنۋدى باسقارعاندا سوزگە شىعىپ، مىنالاردى باسا دارىپتەدى: تاريحي تاجريبەنى قابىلداۋعا ءمان بەرۋ پارتيامىزدىڭ تاماشا ءداستۇرى. تاريحتا بۇرىنعىلاردىڭ جەڭىسى مەن جەڭىلىسى باياندالعان. تاريحقا ءمان بەرۋ، ونى زەرتتەۋ جانە ودان پايدالانۋ؛ تاريحتاعى بىلىقپالىقتى وڭاۋ، گۇلدەنۋ جانە قۇلدىراۋ قاعيداسىن ۇعىنۋ بىزگە كەشەگىنى ءتۇسىنىپ، بۇگىنگىنى يەلەپ، ەرتەڭدى جاراتۋىمىزعا تولعانىس سيلايدى. ۇلى كۇرەس جۇرگىزىپ، ۇلى ينجەنەريالاردى اتقارىپ، ۇلى ىستەردى ىلگەرلەتىپ، ۇلى ارماندى جۇزەگە اسىرۋ ءۇشىن تاريحقا ءتىپتى دە ءمان بەرۋىمىز، وعانءۇڭىلۋىمىز جانە ودان تاجريبە قابىلداۋىمىز كەرەك. بۇل ءبىزدىڭ وي سانانى سەرگەك ۇستاۋىمىز، كوز ايامىزدى كەڭەيتۋىمىز، ساپامىزدى جەتىلدىرۋىمىز، ءوزىمىزدى الۋەتتەندىرۋىمىز جونىنەن كەلەلى ءمان الادى.

شي جينپيڭ بىلاي دەپ اتاپ كورسەتتى: ەلىمىز سوناۋ ەرتە زاماننان تارتىپ ۇلىقتاردى تاڭداپ سارالاۋ مەن باسقارۋعا ءمان بەرىپ كەلگەن. ەلىمىزدىڭ بايىرعى ەل باسقارۋ يدەياسى مەن تاسىلىندە مول تاجريبە بار، ءبىراق، كورنەكتى تاريحي شەكتەمەلىككە دە يە. ونىڭ ىشىندە فەودالدىق سارىن باسىم. بۇعان ءبىز ايىرىقشا نازار اۋدارۋىمىز قاجەت. ج ك پ ورتالىق كوميتەتى ساياسي بيۋروسىنىڭ كوللەكتيۆ ۇيرەنۋىندە جۇڭگو تاريحىنداعى بيلىك جۇرگىزۋ رايىن ارناۋلى تاقىرىپ ەتىپ ورنالاستىرۋىمىزداعى ماقساتىمىز تاريحتاعى بيلىك جۇرگىزۋ ىسىندەگى تابىستار مەن ساتسىزدىكتەردى وي ەلەگىنەن وتكىزىپ، ساپالى كادرلار قوسىنىن قۇرىپ شىعۋعا تاجريبە ساباق قابىلداۋ. 

شي جينپيڭ بىلاي دەپ باسا دارىپتەدى: ءمورال مەن دارىندى ولشەمىن قاتاڭداستىرىپ، ءمورالىنا دارىنى ساي ادامداردى ىستەتۋگە ءمان بەرۋىمىز كەرەك. پارتيامىز ەجەلدەن ءمورال مەن دارىندى دارىپتەيدى، اسىرەسە ءمورالدى ماڭداي الدى ورىنعا قويادى. ءمورال-ساياسي ءمورال، كاسبي ءمورال، قوعامدىق ءمورال، وتباسى ءمورالى سىياقتىلاردى قامتيدى. كادرلار وسى جاقتاردان جان جاقتىلى جەتىلگەن بولۋى اسىرەسە ساياسي ءمورالى بەكەم بولۋى قاجەت. ادام ىستەۋدە ساياسي ولشەمدى ءسوزسىز مىقتى ىيگەرۋ كەرەك. پارتيا مەن حالىققا ادال ما؟ مۇرات تانىمى بەكەم بە؟ 4 تانىمى، 4 سەنىمى بەكەم بە؟ پارتيا ورتالىق كوميتەتىنىڭ بەدەلى مەن شوعىرلى ءبىر تۇتاس باسشىلىعىن باتىل قورعاي ما؟ پارتيانىڭ نازاريا، لۋشيان، باعىت ساياساتتارىن جالپى بەتتىك دايەكتىلەندىردى مە؟ مىنە وسى ولشەمدەر كادرلاردى سارالايتىن باستى ولشەم بولۋى كەرەك. سونىمەن قاتار، كادرلاردىڭ ءبىلىمىن تولىقتىرىپ تۇرۋ، قابىلەتىن جەتىلدىرۋ، ءامالياتتا شىنىقتىرۋ؛ قابىلەتى ۇستەم، ناتيجەسى كورنەكتى، كاسبي تالانتقا، كاسبي ساپاعا، كاسبي رۋحقا يە ۇزدىك كادرلاردى دەر كەزىندە ىستەتۋ كەرەك.

شي جينپيڭ بىلاي دەپ اتاپ كورسەتتى: ادام ىستەتۋدە ءادىل بولۋ كەرەك. ادامدى ءادىل ىستەتكەندە عانا ءبىلىمپاز دارىندىلاردان دۇرىس پايدالانۋعا بولادى. ادام ىستەتۋدە ءادىل بولۋ-پارتيامىزدىڭ پارتيا قۇرۋدا ادىلەتتى دارىپتەپ، بيلىك جۇرگىزۋدە حالىقتى ارقاۋ ەتۋىنىڭ ۇيىمدىق لۋشيانداعى بەينەسى. بۇل ءبىزدىڭ ادامدى سارالاپ ىستەتۋدىڭ تۇبىرلى تالابىمىزعا اينالۋى ءتىيىس. ادام ىستەتۋدە ءادىل بولۋداعى ادىلدىكتىڭ تىياناعى پارتياعا، حالىققا، كادرلارعا دەگەن جاۋاپكەرشىلىك. پرينسپتە تاباندى بولىپ، شىندىقتى ءىس جۇزىنەن ىزدەپ، جاۋاپكەرشىلىكتى باتىل ارقالاپ، ادىلەت جولىندا ايانباي، كادرلارعا ادىلەتتى مامىلەدە بولۋ جانە ولاردى ادىلەتتى تۇردە  ىستەتۋ كەرەك. ادام ىستەتۋدە ءادىل بولۋدا جۇمىسقا دەگەن ادىلدىك باسىم بولۋ قاجەت. پارتيا مەن حالىق ىستەرىن نەگىز ەتە وتىرىپ كادرلاردى سارالاپ، ىستەتۋىمىز؛ جۇمىستى نەگىز ەتۋ، جۇمىسقا قاراي ادام تاڭداۋ، ادام مەن قىزمەتتى سايكەستىرۋدە تاباندى بولۋ كەرەك. ادام ىستەتۋدە ءادىل بولۋدا سالت ستيل جاعىنداعى ادىلەتتى دارىپتەپ، ءونىمدى شارالار قولدانىپ، ادام ىستەتۋ جاعىنداعى بۇرىس ستيل، ناشار سالتتاردى تەجەپ، ۇزدىكتەرىن سيلاۋ، ارتىعىن تەجەۋ، دەرت-دەربەزدەردى الاستاۋ، كەمىستىكتەردى تولىقتاۋعا دەن قويىپ، ساياسي ەكولوگيانى تازا ۇستاۋىمىز قاجەت.

شي جينپيڭ مىنانى باسا دارىپتەدى: ادام ىستەتۋ كوز اياسىن كەڭەيتۋ ءتيىس.  كوز ايانى كەڭەيتىپ، قالىپپازدىقتان اۋلاق بولىپ، قوسىن قۇرىلىسى مەن ءار جاقتاعى دارىندىلاردىڭ رولىن تولىق ساۋلەلەندىرۋ كەرەك. پارتيا مەن مەملەكەت ىستەرىن دامىتۋ قاجەتىن شىعار ءتۇيىن ەتىپ، بيىك تۇرعى، كەڭ كوز ايا ارقىلى دارىندىلاردى بايقاپ، دارىندىلاردى ىستەتىپ، دارىندىلاردى ورنالاستىرۋ كەرەك. ءىرى شايقاستاردا شىڭدالعان كادرلاردى كوبىرەك تاڭداۋ، سونىمەن بىرگە امالياتتى باستان كەشىرمەگەن كادرلاردى ءىرى شايقاستاردا شىنىعۋعا جىبەرىپ، ولاردىڭ قيىنشىلىقتى جەڭىپ قامال الۋ بارىسىنداعى باتىلدىعى مەن قابىلەتىن وسىرۋىنە مۇمكىندىك جاراتۋ قاجەت. مامانداندانعان دارىندىلاردى جان-جاقتى تاڭداۋعا ءمان بەرىپ، باسشىلىق القا مەن كادرلار قوسىنىنىڭ ءبىلىم قۇرىلىمىن، قابىلەت قۇرىلىمىن، كاسىپتىك قۇرىلىمىن ساپالاندىرۋ كەرەك. 

شي جينپيڭ مىنانى اتاپ كورسەتتى: كادرلاردىڭ بەلسەندىلىگىن تولىق جۇمىلدىرۋ ءتيىس. پارتيانى جالپى بەتتىك قاتاڭ باسقارۋدىڭ ماقساتى-ىستەرىمىزدىڭ دامۋىن اناعۇرلىم جەبەپ، كادرلاردى جۇمىس تىندىرىپ، كاسىپ جاراتۋ رۋحىن نىعايتۋعا اتتانىسقا كەلتىرۋ. كادرلاردى تاڭداپ ىستەتۋدە جاۋاپكەرشىلىكتى دارىپتەيتىن، جاۋاپكەرشىلىكتى ارقالاي الاتىن ايقىن بەتالىستى ايگىلەپ، جۇمىستى ارقالاۋعا باتىلدىق ەتە الۋ-الماۋىن، جۇمىستى ىستەۋدى قالايتىن-قالامايتىندىعىن، جۇمىستى تىندىرا الاتىن-المايتىندىعىن كادرلاردى سارالاۋدىڭ، جارامدى-جارامسىزىن باعالاۋدىڭ، سيلاپ-جازالاۋ مەن ءوسىرىپ-ءتۇسىرۋدىڭ ماڭىزدى ولشەمى ەتىپ، كادرلاردىڭ نەنى ىستەگەندىگىن، قانشالىق جۇمىس تىندىرعاندىعىن، تىندىرعان جۇمىسىنا ۇيىم مەن بۇقارانىڭ رازى بولعان-بولماعاندىعىن كادرلاردى تاڭداپ ىستەتۋدىڭ ءتۇبىرلى دالەلى ەتىپ، جاۋاپكەرشىلىكتى جۇرەكتىلىكپەن ارقالايتىن، جۇمىسقا باتىل كىرىسەتىن، رولىن ساۋلەلەندىرۋگە شەبەر، ەڭبەگى كورنەكتى كادرلاردى تاڭداپ ىستەتۋ كەرەك. كادرلاردى قاتاڭ باسقارۋدى كادرلار قوسىن قۇرىلىسىنىڭ جالپى بارىسىنا سىڭىرۋ، سونىمەن بىرگە عىلمي ءادىس ارقىلى باسقارۋ، باسقارۋدى شىنايى تياناقتاندىرىپ، كادرلاردىڭ جۇمىس تىندىرىپ، كاسىپ كوركەيتۋ بەلسەندىلىگىن شىنايى قورعاۋ كەرەك. 

شي جينپيڭ مىنانى باسا دارىپتەدى: كادرلاردى ماعىناسىز ۇساق ىستەردەن بوساتۋ كەرەك. قازىر باسقارۋدا فورماعا ءمان بەرۋ اۋىر دا، ناتيجەگە ءمان بەرۋ كەمشىل؛ تەكسەرۋ، باعالاۋ تۇرلەرى كوپ، رەت سانى ءجيى، قايتالانۋ اۋىر؛ تاۋداي حۇجات، تاۋسىلماس جيىن قايتا باس كوتەردى. وسى ماسەلەلەر كادرلاردىڭ قىرۋار ۋاقىتىن سارىپ ەتىپ، زەيىن-زەردەسىن سارقا جۇمساپ قالماستان، فورماشىلدىقتى، تورەشىلدىكتى اسقىندىردى. مۇنداي جاعدايدى ءسوزسىز وزگەرتۋ كەرەك. پارتيا ورتالىق كوميتەتى وسى ماسەلەلەردى وزگەرتۋ جونىندە تالاپتار قويدى، جەر-جەر مەن تاراۋلار مۇنى دايەكتى تياناقتاندىرۋى كەرەك. ءار دارەجەلى باقىلاپ-تەكسەرۋدىڭ، ماتەريالدار مەن مالىمەت كەستەلەرىن تاپسىرۋدىڭ جالپى سانى مەن رەتىن ازايتىپ، ۇقساس تۇردەگى جۇمىستاردىڭ بىرىكتىرىپ بىتىرۋگە بولاتىندارىن بىرىكتىرىپ ءبىتىرىپ، نەگىزگى ساتىنىڭ اۋىرتپالىعىن جەڭىلدەتىپ، نەگىزگى ساتىنىڭ اناعۇرلىم كوپ ۋاقىتىن قىزمەتكە جۇمساۋىنا مۇمكىندىك جاراتۋ ءتيىس.

اۋدارعان: شالقار قازەز ۇلى

监制:叶力夏提

审稿:叶力夏提

翻译:夏力哈尔

制作:达吾力

www.kazakcnr.com