شي جينپيڭ سپانيانىڭ پاتشاسى وتكىزگەن قارسى الۋ سالتىنا قاتىناستى

شي جينپيڭ سپانيانىڭ پاتشاسى وتكىزگەن سالتاناتتى قارسى الۋ سالتىنا قاتىناستى 

 ءوز حابارىمىز: جەرلىك ۋاقىت بويىنشا 11ـ ايدىڭ 28ـ كۇنى مەملەكەت ءتوراعاسى شي جينپيڭ مادىريتتا سپانيانىڭ پاتشاسى فەليپە 6 وتكىزگەن سالتاناتتى دا مارتەبەلى قارسى الۋ سالتىنا قاتىناستى.

 استانا مادىريتتىڭ اسپانى شايداي اشىق، ارايعا شومعان الەم قىس كەلبەتىن ساندەندىرە تۇسكەندەي. كەڭ جاسالعان قارۋ ـ جاراق الاڭىندا قۇرمەت قاراۋىلى ساپ تۇزەپ تۇر. شي جينپيڭ مەن ونىڭ حانىمى پىڭ لييۋان  پاتشا ورداسىنىڭ قۇرمەت اۆتوموبيلىنە وتىرىپ قۇرمەت كيىمدەرىن كيىپ، ارعىماق اتقا مىنگەن سپانيا پاتشا ورداسى قورعاۋشى قوسىنىنىڭ قورعاۋىندا قارۋ -جاراق الاڭىنا بەتتەدى.

 الاڭعا جەتكەندە، دابىل ءۇنى جاڭعىرتا كوتەرىلدى. فەليپە 6 پاتشا جانە ونىڭ حانىمى لايلەسيا ولاردى قارسى الدى. قوناق پەن قوناق يەلەرى ءوزارا امانداستى. فەليپە 6 پاتشا ورداسىنداعى جوعارى دارەجەلى ٴمانساپتىلاردى تانىستىردى.

 وسىدان سوڭ، ەكى ەل باسشىلارى مەن ولاردىڭ حانىمدارى قۇرمەت مىنبەسىنە شىقتى. 21 رەت قۇرمەت ساليۋت اتىلىپ، اسكەري وركەستىر جۇڭگو، سپانيا ەلدەرىنىڭ مەملەكەت ءانىن ورىندادى.

 قۇرمەت قارۋىل قوسىنىنىڭ باستىعى شي جينپيڭدى قۇرمەت قاراۋىلىن كوزدەن كەشىرۋگە ۇسىنىس ەتتى.

 شي جينپيڭ فەليپە 6 پاتشانىڭ سەرىك بولۋىندا جاياۋ اسكەر تورتكىل شەبىن، اتتى اسكەرلەر تورتكىل شەبىن جانە موتوسيكلات قوسىنىن رەتى بويىنشا كوزدەن كەشىردى. شي جينپيڭ سپانيالىق سەرىكتەستەرمەن ءبىر -بىرلەپ قول الىسىپ امانداستى، فەليپە 6 پاتشا جۇڭگولىق ساپارلاس قىزمەتكەرلەرمەن قول الىسىپ امانداستى.

 ەكى ەل باسشىلارى مەن ولاردىڭ حانىمدارى قۇرمەت قاراۋىل مىنبەسىنە قايتىپ كەلىپ، پاراتتى تاماشالادى. موتوسيكلات قوسىنىنىڭ باستاۋىندا ساپ تۇزەگەن وركەستىر قوسىنى، ايبىندى جاياۋ اسكەرلەر تورتكىل شەپ قوسىنى، ايباتتى اتتى اسكەرلەر تورتكىل شەپ قوسىنى رەت رەتىمەن قۇرمەت قاراۋىل مىنبەسىنىڭ الدىنان ءوتتى.

 مادىريت پاتشا سارايىنىڭ ماڭىنداعى كوشەلەرگە «ءتوراعا شي جينپيڭدى قارسى الامىز» دەگەن كەرمە تۋلار اسىلعان. جەرلىك بۇقارا مەن سپانياداعى جۇڭگولىق مۇھاجىرلار، سپانيادا وقىپ جاتقاندار، جۇڭگو قارجىلاندىرعان كاسىپورىنداردىڭ قىزمەتكەرلەرى جۇڭگو مەن سپانيانىڭ مەملەكەت تۋىن بۇلعاپ، شي جينپيڭدى قۋانىشپەن قارسى الدى.

监制:叶力夏提

审稿:库兰

翻译:哈那提别克

编辑:努丽霞提